Міжнародны дзень музеяў адзначаецца 18 мая больш чым у 150 краінах, пачынаючы з 1978 года. Прынята лічыць, што праз музеі грамадства выказвае сваё стаўленне да гісторыка-культурнай спадчыны, і з гэтым цяжка не пагадзіцца. Збіраючы і захоўваючы помнікі матэрыяльнай і духоўнай культуры, музеі вядуць вялікую навукова-асветніцкую і адукацыйна-выхаваўчую работу.
У гэты дзень вучні нашай школы наведалі школьны этнаграфічны музей, кіраўніком якога з’яўляецца настаўнік беларускай мовы і літаратуры Лойкуц Людміла Іосіфаўна. Дзеці пазнаёміліся з аддзеламі музея, разгледзелі экспанаты, а нешта і патрымалі ў руках.